अनेरास्ववियु (छैठौं) प्युठानको अध्यक्षमा गोराथोकी चयन

भेलामा राजमो लुम्बिनी प्रदेश सल्लाहकार सुरेश थापा, जिल्ला अध्यक्ष ज्ञामुराम न्यौपानेसहितका नेताहरूले संगठनको राजनीतिक उत्तराधिकार र आन्दोलनको निरन्तरताबारे धारणा राख्दै नेतृत्वलाई रणनीतिक ढंगले अघि बढ्न सुझाव दिए।

भेलाले बसन्तराज गोराथोकीको अध्यक्षतामा ३१ सदस्यीय जिल्ला समिति चयन गर्दै संगठनात्मक संरचनालाई पुनर्संयोजन गरेको छ। सावित्रा परियार उपाध्यक्ष, प्रवीन जिसी सचिव, सचिन कँवर सहसचिव र सबिर बस्नेत कोषाध्यक्षको भूमिकामा चयन हुनुले नेतृत्वमा समावेशी प्रतिनिधित्वलाई पनि सुनिश्चित गरेको देखिन्छ।

राजनीतिक रूपमै विश्लेषण गर्दा, प्यूठानमा अनेरास्ववियु (छैठौं) ले पुनः आफ्नो पकड बलियो बनाउने संकेत यस भेलाले दिएको छ। विशेषगरी ग्रामीण, पिछडिएको क्षेत्रका विद्यार्थीहरूको राजनीतिक पहुँच विस्तार गर्न नेतृत्व प्रतिबद्ध देखिएको छ।

नवनिर्वाचित अध्यक्ष बसन्तराज गोराथोकीको प्रतिबद्धताले संगठनको रणनीतिक विस्तार र परिवर्तनको पक्षमा स्पष्ट दिशानिर्देश दिएको छ। उनले भने, “प्यूठानका प्रत्येक विद्यालय, गाउँ र वडामा संगठन विस्तार गर्दै हामी विद्यार्थीका हकहित र परिवर्तनको पक्षमा संघर्षलाई अझ सशक्त बनाउनेछौं।”

भेलाले केवल नेतृत्व परिवर्तन होइन, संगठनभित्रको राजनीतिक चेत र क्रियाशीलतालाई पनि पुनः उजागर गरेको छ। यसले प्यूठानमा आगामी दिनमा विद्यार्थी आन्दोलनको लय फेरिने स्पष्ट संकेत गरेको छ।