विजय फूलबारी बचत तथा ऋण सहकारी लुम्बिनी प्रदेशमै उत्कृष्ट

वि.स. २०५५सालमा खैरामा स्थापना भई सुरुवात भएको फूलबारी बचत तथा ऋण सहकारी संस्था लि. र २०६३ सालमा बिजयनगरमा स्थापना भई सञ्चालनमा रहेको बिजयलक्ष्मी महिला बहुउद्धेश्यीय सहकारी संस्था लि. २०७९ साल जेठ महिनामा एकीकरण भई विजय फूलबारी बचत तथा ऋण सहकारी संस्था बनेको हो ।

संस्थाले नीति ,विधि र प्रविधिलाई आत्मसात् गर्दै सुशासनका सिद्धान्तलाई अक्षरअंश पालना गरी सदस्य सेवालाई प्रमुख प्राथमिकताका साथ अघी बढाएको र कर्मचारीहरुको लगनशिलता , समितिको टिमवर्क तथा सदस्यहरुको साथ र भरोसाले संस्था निरन्तर प्रगतिको पाइलामा अघी बढेको संस्थाका अध्यक्ष नेत्रमणी आचार्यले बताए ।

५ हजार ६ सय सदस्य आवद्ध रहेको संस्थाले सदस्यहरुका लागि विभिन्न प्रकारका ऋण ,बचत ,मृत्यू राहत कोष,सुत्केरी भेटघाट,सदस्य बीमा,उपचार सहुलियत,रेमिटान्स जस्ता सदस्य सेवाका कार्यक्रमहरु सञ्चालन गरेको छ ।उत्कृष्ट घोषणा भएका सहकारी संस्थालाई आगामी पौषमा हुने नेफ्स्कुनको साधारण सभामा पुरस्कृत गरिने जनाइएको छ ।