देशभर ४१.९ प्रतिशत रोपाइँ सम्पन्न लुम्बिनी प्रदेशमा ५२.१५ प्रतिशत

काठमाडौँ, २२ असार । हालै सार्वजनिक भएको कृषि तथा पशुपन्छी विकास मन्त्रालयको तथ्यांकअनुसार देशभर असार २२ गतेसम्म कुल धान रोपाइँको प्रगति ४१.९ प्रतिशत पुगेको छ । गत वर्ष सोही अवधिमा यो संख्या ४३.५ प्रतिशत थियो । यस वर्षको रोपाइँ गति गत वर्षभन्दा केही सुस्त देखिएको छ ।मन्त्रालयका अनुसार यो वर्ष कुल १३ लाख ८७ हजार ४१५ हेक्टर क्षेत्रमा धान खेती हुने अनुमान गरिएको छ । त्यसमध्ये हालसम्म ५ लाख ८० हजार ८८६ हेक्टर क्षेत्रमा धान रोपाइँ सम्पन्न भइसकेको छ ।प्रदेशगत विवरण हेर्दा, सबैभन्दा बढी रोपाइँ सुदूरपश्चिम प्रदेशमा भएको देखिन्छ । यहाँ ८२.८ प्रतिशत ९१ लाख ४५ हजार ९३२ हेक्टर० क्षेत्रमा धान रोपाइँ सम्पन्न भइसकेको छ । त्यसपछिल्लो स्थानमा कर्णाली प्रदेश छ, जहाँ ७१.७ प्रतिशत रोपाइँ भएको छ ।