प्युठान, ऐरावती गाउँपालिका वडा नं ५ पकला निवासी दुवै मृगौला फेल भई उपचाररत ३४ बर्षिय हुम बहादुर थापालाई नेपाली हर्ट ग्रुपले नगद रू ५० हजार सहयोग गरेको छ ।
बिहीबार नेपाली हर्ट ग्रुपका केन्द्रीय अध्यक्ष डिल्लीराज पराजुली ,केन्द्रीय सदस्य पदम खनाल र अविरल थापा सहितको टिम हुम बहादुर थापाको घरमै पुगेर वडा नं ५ का वडा सदस्य मोहन बहादुर बोहराको अध्यक्षतामा सहयोग रकम हस्तान्तरण कार्यक्रम सम्पन्न गरिएको छ ।
देश तथा बिदेशमा बसोबास गर्ने २२ जनाले उक्त रकम सहयोग गर्नुभएको हर्ट ग्रुपका अध्यक्ष पराजुलीले बताउनुभयो ,उहाँले हर्ट ग्रुपले यो कार्यक्रम सहित ११२ औं सहयोग कार्यक्रम सम्पन्न गरेको बताउनु भयो ।
